Racconti:
Poesie in dialetto:
El caretin del gelataro - 1946
Son partio parchè gera poareto
Raccolta "Vento della sera":
Tramonti ramati della mia terra
Raccolta "Sentieri":
| El schizoto Te te ricordi mama, quando te me metevi la man sola testa e te me disevi: oncò par ti el sarà on di de festa? Alzate, presto che xe quasi le oto dai che te me de na man a fare el schizoto. Mi alora corèa al camin e ghe metèa du zochi e na fassina de legna che a dire la verità la gera quasi tuta gramegna. Te te metevi sola tola: farina, uvi, zaraco e struto e du fighi a tocheti solo du parchè gerimo poareti. E te smissiavi, te impastavi e te impastavi e con tanto oio de gumbio te lo domavi. Po te tiravi zenare e bronze da parte e te metevi solo la to opera d'arte. E mi sentà sola piera, spetava e spetava on bel toco spetava de sentire l'odore, el profumo de coto. Dopo te min metevi una feta grossa tra le man el resto te lo metevi via par el doman. Xe passà sessantani e ogni tanto penso a quel profumo, a quel'odore al schizoto impastà par mi con tanto amore. Alora vardo l'orizonte, lontan, lontan come se te ghessi da tornare a ciaparme par man. |
||