mano con penna

Racconti:

Poesie in dialetto:

Raccolta "Vento della sera":

Raccolta "Sentieri":

 

 

Xe sempre primavera

Me ricordo me mama poareta
che quando tornava la primavera
la me portava ntei campi.
Con la schena sbassà, col cortelo in man
la tirava su i brusaoci, i pi tenari.
A casa, con na goza de oio, on spigo de aio
na feta de polenta, soto el canfin
la gera la zena dela sera.
Quando tornava la primavera
con le man sporche de tera
la piantava qualche fiore in quatro vasi sbecà.
Ogni dì la i bearava, la i vardava, la i vedea cressare
i gera el so tesoro.
Coi so oci boni, la me vardava anca mi
e par mi chissà cossa che la sognava.
Alora mi, contento, con le sgiavare ai piè
pien del so soriso, corea su e zo par le caezagne
e cantava fin ala sera.
Xe passà tanti ani
e me xe restà tacà al muro
solo el so rosario de grani veci.
Lo vardo , lo toco, el me pare on ramo in fiore
la so benedizion
e par mi xe sempre primavera.

 

Home