mano con penna

Racconti:

Poesie in dialetto:

Raccolta "Vento della sera":

Raccolta "Sentieri":

 

 

La me scola

Ve parlo de on tempo lontan
quando in giro tuto gera oncora nostran.
No ghe gera calcolatrici, computer e telefonini
ma bisognava rangiarse con i nostri cervelini.
Se nasèa e scola anca col vestito streto
ma a tuti se portava on gran rispeto.
Parlo de la me scola che la xe oncora là
come on fantasma, con le finestre sarà.
La xe vizin al capitelo dele grazie
e i somari la ciamava la casa dele disgrazie.
Camare grande, senza condizionamento
ma dale finestre se vedea i campi de formento.
I maestri con tanta pazienza i ne insegnava
e noantri, tuti oci e rece se scoltava.
On quaderno, na pena e poco inchiostro
ne parèa ch'el mondo fusse nostro.
Chi distrato disturbava e vardava lontan
se ciapava na sbachetà sole man.
Con on me compagno, dopo tanti ani se gavemo trovà
e de quei tempi tanto se ga parlà.
Se ghemo vardà ntei oci e se ghemo brazà comossi
anca parchè noantri du semo sempre sta promossi.
Prima de saludarse ghemo ricordà maestri
e chi xe za na
e de essere oncora qua, la Madona ghemo ringrazià.

Home