Racconti:
Poesie in dialetto:
El caretin del gelataro - 1946
Son partio parchè gera poareto
Raccolta "Vento della sera":
Tramonti ramati della mia terra
Raccolta "Sentieri":
| Son partio parchè gera poareto Son partio parchè gera poareto, on fagoto, na valisa in man, gavea ancora la facia da toseto, che son vegnu chi a Milan. Go lassà la caseta con l'orteselo, na pianta de rosmarin, una de rose, go lassà anca el gatelo, che ghe piasea tanto ale tose. La stradela in mezo ai campi de formento, la piaza con la Gigeta, la Carlota e la Linda Ucela, la lapide dei morti a Trieste e a Trento, el campanile e la ceseta bela. Adesso qua non me manca on soldeto, ogni dì magno carne e ravioi: posso dire de essere on sioreto; go anca la machina, la femena e du fioi. Coi altri parlo sempre in italiano, fazo la vita de lusso e de zità, ma tuto me par cossì strano, anca se in casa go ogni comodità. E ala sera quando me alzo da tola, e vao fora par vardar le stele, me se bagna i oci, me viene el gropoin gola, parchè se vede solo tante finestrele. Alora mi penso ala caseta con l'orteselo, ala pianta de rosmarin e a quela de rose, penso anca al me gatelo, che ghe piasea tanto ale tose. Ala stradela in mezo ai campi de formento, ala piaza con la Gigeta, la Carlota e la Linda Ucela, ala lapide dei morti a Trieste e a Trento, penso al me campanile, ala me ceseta bela! |
||